Rihsang kai hnu pipu tla hin
Lungsir herin cuan hai maw cu;
Hrin hniang le semsin tei’ ruuninn
Tual kan lennak le kan thuan thu.
Tuanbia bang an rak sim hlanmi
Vairang nun iangin tesin fa’n
Run rem sin iang ruun thang ropi;
Ngai ce hlah ung mimang nun hman,
Zo ruang zilthli thiang te’n a leng
Ka mi pawl andamnakah ti’n,
Val dawh rual zai vawr hai thla eng
Nuam hnuaiah leng rual thawn nuam in,
Zatial kaiih awi siamso te’n
That ni le siatni ah zoh aw’n,
Lung kan rualnak zalam a zeen
Zoram pualva bang lung thin thawn
Zing nui’ er-ce ka suahsemnak
Sumtual le lungrawn kan khua te,
Simaw lan lang na hmin suan tlak
Saklam ran khaw hra na hluan e..
By Ngun Nei Sin
Source: Hmuntha Golden Jubilee Caa Bu
240 Views
