Zing ni tleu maw,
Zilthli thiang ten, tual lennak;
Na mawi hluan maw,
Hring dildelte, tual lennak;
Iang neiin maw.
Na par hmuanah,
Nehtu an leng, par suakin;
Ziam zai rel hlah,
Zangthum hribang, rualremin;
Kharthuk thlengah.
Zalam hruaitu,
Pipu mithmai, cuar tiamti;
Zoh mawi biktu,
Harsat zonzaih, sum zingpi;
Pal-suak ngamtu,
Ca-tial zirin,
Nauhniang rualin, van kai tum;
Tui canah ee,
Kumpi hminsin, lupawng tum;
Pawng fekfi ee.
Zan tim dar awn,
Merem loin, leng le val;
Sur sa thim lak,
Thleidan um lo, hring nunak;
Ruang tintian lak.
Thlangamin maw,
Biakbuk tinih, thlacam aw;
Bawngmal co maw,
Thlangvai ram khal, ngai hlah ee;
Ka tual-lennak.
By Salai Lal Pek Tluang
Source: Hmuntha Golden Jubilee Caa Bu
169 Views