Leitlun ih rinsan zet le mi tam pi ih um duh nak ram American ih mi tam pi in Nunau hi ziang a si ti hman an sim thiam lo a si cu. Kan nih Zumtu hrang ah cun hi tui lai ih an buai cul ci mi Lesbian, Gay, Bisexual, Transgender and Queer Pride Month pawl hin in hnai hnawk ban lem ka zum lo. Kan fiang teh ko ding. “Hmuntha dan te ti le cu kan huam tuk ka zum lo. Mak lawng te cu nu nau ih tuan vo hi kan fiang zet ko nan kan Bible ih a sim mi pawl a hnuai ah tar lang nak ka nei ding.
Titas 2: 1-5 A Dikmi Thurin
1Asinain nang cun a dikmi thurin thawn a kaih awmi kha na zirh pei. 2Patar deuh pawl kha zu ri hlah uh, thinlung felfai in um uh, nan thinlung uk thei uh; zumnak dik, duhdawtnak le harsat tuartheinak neimi si uh, tiah zirh aw. 3Cubangtuk ṭhiamṭhiam in nutar deuh pawl kha nunau si ding daan te in nun thianghlim nei dingin zirh aw. Mi relsiat hmang an si lo pei ih zu-ih salah an tla lo pei. A ṭhami an zirh pei ih, 4nutar deuh pawl in kum no deuh nunau pawl cu an pasal le an faale pawl duhdaw deuh dingin, 5mah le mah uk-aw theitu si dingin, mithiang si dingin le an pasal thu ngai in tangdor thiammi nupi ṭha ih an cannak dingah zirh dingin sim aw. Cutiin Pathian hnen ihsin a rami thuthang cu zohman in an relsia lo ding.
2. Thufim 1:1 1Nunau fim pawl in an inn an sak; Asinain a aa pawl in anmah kut lala in an balsiat.
3. 1 TIMOTE 2: 11 Nunau cu a zirtu si hai sehla daite le tangdor tein zir hai seh. 12Zirhtu an si ding cu ka duh lo; mipa tlun khalah thu nei hlah hai seh. Daite in um hai seh. 13Ziangahtile a hmaisa bikih siammi cu Adam a si; neh hnuah Evi a si.
4. THUFIM 11:16 Zaangfah thiam minu cu upat mi a si, Asinain ziaza ṭhatnak a nei lo minu cu ningzakza a si. Mi zaangzel in sumsaw a nei dah lo ding, Asinain mitaima pawl cu an lian ding.
5. Thufim 31:30 Iang neih cu mi a buum thei ih mawinak khal a ziam thei; Asinain Bawipa a ṭihzahtu minu cu lom le porh tlak a si.
6. Thufim 31: 26 Fimkhur zet le awkaa nemtein a ṭong ṭheu.
7. KOLOSE 3:18 Nupi pawl, nan pasal thu ngai uh; ziangahtile Khristian nan si vekin cumicu nan tuah dingmi a si.
8. EFESA 5:33 Sikhalsehla nanmah thawn khal a pehtlai aw thotho; pasal hmuahhmuah in an nupi cu anmah ih takpum an duhdawt vekin an duhdawt pei ih nupi hmuahhmuah khal in an pasal cu an upat pei.
9. Thufim 31:10 – 31
Nupi ṭhaṭhum
10Nupi ṭhaṭhum khi ziangtluk in
ngah a har!
Ruby lungvar mankhung hnakin man
a nei deuh!
11A pasal in a rinsanzet ih ziangtik
khalah a pasal cu a zonzai
lo ding.
12A nunsung hmuahhmuah a pasal
parah thil ṭha a tuah ringring
ih siatnak a tuah dah lo.
13Umlak ti nei loin tuuhmul le patzai
puan a tak ṭheu.
14Sumsaw let pawl ih tangphawlawng
bangin,
Ram kelet ihsin a innsang hrangah
rawl a rak phur ṭheu.
15A innsang hrang rawl zaal dingah
le a hnen-um pawl an hnaṭuan
ding tawlrel sak dingah,
Zingthlapit in a tho ṭheu.
16Leiram a hawl ih a lei,
A hlawhmi sumsaw in sabit hmuan
a tuah.
17Hnaṭuan taima zet a si ih,
A thazaang a cak ih a law fawn.
18A thil tuahmi hmuahhmuah ih man
neihzia a thei ih,
Zan siimpi tiang innsang hna
a ṭuan.
19Amahte pat a hmuih ih amah ih
hnipuan khal a tak.
20Mi farah le mi nunhar hnenah a
tirh a siangzet.
21An sungte in kawr hlum an nei
thluh ih,
Thlatang khawsik caan a thlen khal
ah an thla a phang hrimhrim lo.
22Tangphah khuh a tah ih sendup
mawizetih tahmi hnipuan a hruh.
23A pasal cu khawsungah mizapi
ih theihmi hotu a si.
24Hnipuan le taikhap pawl a tuah ih
sumsaw let pawl a zorh.
25A thazaang a cak, an upat zet ih
hmailam hrangah thinphannak
a nei lo.
26Fimkhur zet le awkaa nemtein a
ṭong ṭheu.
27Umlak ti nei loin a innsang ih
poihai a tawlrel ringring.
28A faale pawl in an thangṭhat ih,
A pasal khal in a lawmzet.
29A pasal in, “Nunau tampi cu
nupi ṭha an si cio naón,
Nang hi a ṭha hleice na si,” a ti.
30Iang neih cu mi a buum thei ih
mawinak khal a ziam thei;
Asinain Bawipa a ṭihzahtu minu
cu lom le porh tlak a si.
31A tuahmi thil hmuahhmuah
ruangah amah cu thang ṭhat uh;
Mi hmuahhmuah ih upat tlak
minu a si.
American hin zumtu pawl ih thla cam nak a tul tuk. Tlawngin ah zirh lo ding an zirh, a phun phun an pawl, nunau ti hman sim thiam lo le thei lo an tam tuk. Zumte tlacam cawl hlah uh si. Kan fa le pawl hi santhar ti luan ah an liam ral lo nak ding ah….
